Críochnú Fánaíochta

Ba mhaith leat riamh falróid thar sáile –

Ins na tíortha eachtrannacha thar lear;

D'fhilltheá corruair dod' bhaile ins na harda

Is do chroí go héadrom is mear.

Chonaic muid tamaillín thú roimh d'imeacht

Don chogadh atá ag suaitheadh an tsaoil;

Nótaí calma tírghrácha a bhí ionat,

Nótaí a chosnaíonn chomh daor.

Séideann an iomghaoth thar sléibhte do thíre

I do dhiaidh mar cheolta an bhuairimh;

Tá tú i gcomhluadar an chathláin do-ídithe

Atá ina gcodladh gan taibhreamh sa bhFrainnc.

Ón dán sa Bhreatnais, 'Gorffen Crwydro',le 'Hedd Wyn',
'sé sin, Ellis Humphrey Evans, 1887 – 1917.

Aistriúchán: Barry Tobin.