Eala ag Snámh, Gaeilge ag Sní

Ní minic a fhoilsítear leabhair nua i nGaeilge sa Bhreatain. Is rud tábhachtach dúinn mar sin an cnuasach nua filíochta ó Mháire Ní Chuinn, ‘Eala ar Uisce’, a foilsíodh i Londain le déanaí. Nuair a bhíonn an méid sin d`éireannaigh anseo chomh chúlánta sin fiú an Ghaeilge a labhairt (féach ar an t-alt le Seoirse ó Broin ) caithfidh mé a rá gur rud cróga é leabhair a fhoilsiú inti.

ó gCill Ulta i nDún na nGall Máire Ní Chuinn áit a bhí an-bheoch le caomhnaitheoirí na Gaeilge fad is a bhí sí óg ann. Bhí ‘An Craoibhín Aoibhinn’ ina measc agus tá ómós don fhear mór sin déanta ag Máire sa dán ‘Céad slán leis An Chraoibhín Aoibhinn’. Déanann sí ómós do bheirt eile sa leabhar : An tSiúr Maol íosa, a bhí ina múinteoir aici i gClochar Lughaidh í gCoillte Mách, agus i ndán an-dheas, an dán deireanach sa leabhar, do Shiobhán Bean Uí Néill:


Lán d`fhuinneamh, de thine
Dochreidte,
Do theaspeáin sí
Casán,
Nuair dóbair dom
Dul fada uaidh
Go tarcaisneach
Ar fán.


Tá leagan Béarla de gach dán anseo. Bhain mé taithneamh níos mó áfach as na leagain Ghaeilge a shníonn go breá nádúrtha as an teanga, go mórmhór ‘Dánta m’óige’ agus ‘An tAmhránaí’. Tá súil agam go mbeidh cnuasach eile ó pheann Mháire Ní Chuinn chugainn sar i bhfad.

Is é an comhlucht a chuir an cnuasach seo ar fáil i 1994 ná: Approach Publishing , 28 Grosvenor Wharf Road, London E14 3EF. Praghas 4.50.

©: Patrick Egan, Caerdydd, an Bhreatain Bheag, 1994.

Tá an leabhar seo le fáil ar iasacht as an mbailiúchán de leabhair sa Ghaeilge i Lárleabharlann na Cathrach, Caerdydd.

Sneachta
Dán le Máire Ní Chuinn.

Oíche Fhliuch i Londain Shasana
Dán eile le Máire Ní Chuinn.

An Briathar Saor Uimh. 1

Bailiúchán John Breese

Leathanach Baile / Hafan / Home Page