An Sean Séipéal

Sean áit bhánaithe anocht go léanmhar,

Créacht ghránna ar cruth an cheantair;

Foirgneamh folamh gan léas gan solas,

Sean teach cruinnithe ar dhúnadh a dhoras.

Áit gan aird lena haghaidh liath.

Ní théitear anois ann go bhfios do Dhia;

Áitreabh na naomh gan choischéim

Agus Beithil ár ndóchaís ag deireadh réim'.

Tá a dhoras faoi sceacha lúbtha,

Tá driseacha um a chúirt chumtha:

Mogalra fiailí mórthimpeall uirthi

Na hiúir á mbascadh ag síon an gheimhridh

An díon, á réabadh ag an gcuaifeach,

Níl fágtha dhe anois ach fothrach.

An dán sa Bhreatnais, 'Yr Hen Gapel': Alun J. Jones ('Alun Cilie'), 1897 – 1975.

An t-aistriúchán: Barry Tobin.